Янгиликни таҳрирлаш: QONUNCHILIK PALATASI DEPUTATLARI SAYLOVI ARALASH SAYLOV TIZIMI ASOSIDA O'TKAZILADI

Сарлавҳа

Матн

Prezident tomonidan imzolangan Qonun (O'RQ&ndash;883, 18.12.2023 y.) bilan bir qator qonunchilik hujjatlariga o'zgartirish va qo'shimchalar kiritildi
&nbsp;Jumladan, Saylov kodeksiga kiritilgan o'zgartish va qo'shimchalarga ko'ra:
&nbsp;Qonunchilik palatasi deputatlari saylovini o'tkazish uchun 75 ta hududiy bir mandatli saylov okrugi tuziladi;
&nbsp;Qonunchilik palatasi deputatligiga siyosiy partiyalar tomonidan ko'rsatilgan nomzodlar ro'yxati asosida Qonunchilik palatasiga saylov o'tkazish uchun O'zbekistonning butun hududi yagona saylov okrugi hisoblanadi;
&nbsp;Partiya ro'yxati Markaziy saylov komissiyasi tomonidan ro'yxatga olinganidan keyin, ushbu ro'yxatga kiritilganlar deputatlikka nomzod maqomini oladi va ularga guvohnoma beriladi;
&nbsp;Partiya ro'yxatiga kiritilgan nomzodlar ushbu siyosiy partiyaning a'zolari yoki partiyasiz bo'lishi mumkin. Boshqa siyosiy partiyaning a'zolari ushbu ro'yxatga kiritilishi mumkin emas;
&nbsp;deputatlikka nomzodlarni tanlash tartibi siyosiy partiyalar tomonidan belgilanadi;
&nbsp;ayollarning soni bir mandatli saylov okruglari bo'yicha, shuningdek partiya ro'yxati asosida siyosiy partiyadan ko'rsatilgan deputatlikka nomzodlar sonining kamida 40 foizini tashkil etishi kerak. Bunda partiya ro'yxatidagi ketma-ketlikda kamida har 5 nafar nomzodning ikki nafari ayol kishi bo'lishi lozim.
&nbsp;Shuningdek, yagona saylov okrugi bo'yicha saylanadigan Qonunchilik palatasining deputatlik o'rinlari ushbu saylovda ishtirok etgan saylovchilar ovozlarining 7 va undan ko'proq foizini to'plagan siyosiy partiyalar o'rtasida taqsimlanadi.
&nbsp;Agar saylovda ishtirok etgan saylovchilar ovozlarining 7 va undan ko'proq foizini faqat bitta siyosiy partiya to'plagan bo'lsa, unda deputatlik o'rinlari saylovda saylovchilarning eng ko'p ovozini to'plagan ikkinchi siyosiy partiyaga ham taqsimlanadi.
&nbsp;Markaziy saylov komissiyasi deputatlik mandatlarini siyosiy partiyalar o'rtasida taqsimlash to'g'risida bayonnoma tuzadi.
&nbsp;Partiya ro'yxati bo'yicha saylangan deputatlar o'rtasida deputatlik mandatlarini taqsimlash Markaziy saylov komissiyasi tomonidan ro'yxatga olingan partiya ro'yxatiga kiritilgan deputatlikka nomzodlar ketma-ketligiga muvofiq amalga oshiriladi.
&nbsp;Shuningdek, &ldquo;O'zbekiston Respublikasi Oliy Majlisi Qonunchilik palatasining Reglamenti to'g'risida&rdquo;gi Qonunga kiritilgan o'zgartirishlarga ko'ra,&nbsp; Qonunchilik palatasining kamida 5 nafar deputati fraksiya tuzish huquqiga ega (ilgari kamida 9 nafar edi).
Ushbu Qonun rasmiy e'lon qilingan kundan e'tiboran kuchga kiradi.
&nbsp;
&nbsp;
RASULBEK IBRAGIMOV
Xorazm viloyat adliya boshqarmasi
Bosh maslahatchisi

Image 1

Image 2

Image 3

Image 4

Категория

Сана

Тил

Статус