Adliya vazirligi startaplarni qo‘llab-quvvatlaydi!

Adliya vazirligi davlat tilida ish yuritish, xat-hujjatlarda orfografik va boshqa xatolarni oldini olish maqsadida virtual.adliya.uz va smartoffice.adliya.uz tizimlarida Tahrirchi imkoniyatlaridan keng foydalanish yo‘lga qo‘yildi.

Tahrirchi imloviy, grammatik, uslubiy va tinish belgilariga oid xatoliklarni topib, to‘g‘rilab beruvchi matn tekshiruvi dasturidir. Sun’iy idrokka asoslangan model o‘zbek tili uchun maxsus ilk modellardan biri hisoblanadi.

Tahrirchi jamoasi sun’iy intellekt yo‘nalishida O‘zbekiston Respublikasi Prezidentining sovrini uchun “Raqamli texnologiyalar yo‘nalishida eng yaxshi startap" (President Tech Award)  tanlovida TOP-5 loyihalar safiga kirdi. Hozirgi kunda g‘olibni aniqlash uchun yakuniy onlayn ovoz berish jarayonlari davom etmoqda.

Adliya vazirligi o‘zbek tili rivoji uchun hissa qo‘shayotgan shunday startaplarni qo‘llab-quvvatlaydi va ovoz beradi!

Янгибозор тумани адлия бўлими юридик хизмат

кўрсатиш маркази бош юристконсулти:                                         О.Ражапов