“Biotexnologiyalar klasteri” tashkil etiladi

“Farmasevtika tarmog'ini yanada rivojlantirish va investitsiya loyihalarini amalga oshirishni jadallashtirish bo'yicha qo'shimcha chora-tadbirlar to'g'risida”gi Prezident qarori (PQ–14-son, 10.01.2024 y.) qabul qilindi

Qarorga ko'ra, quyidagilar tasdiqlandi:

➖2024–2025 yillarda farmasevtika tarmog'ini rivojlantirish va investitsiya loyihalarini amalga oshirishni jadallashtirish bo'yicha “yo'l xaritasi”;

➖farmasevtika sohasida amalga oshiriladigan investitsiya loyihalarining yig'ma parametrlari;

➖“Tashkent Pharma Park” innovasion ilmiy-ishlab chiqarish farmasevtika klasteri (Klaster) faoliyatini jadallashtirish bo'yicha chora-tadbirlar rejasi.

Klaster hududida “Biotexnologiyalar klasteri” tashkil etilib, unga qo'shimcha 60 gektar yer maydoni ajratiladi.

Qarorga ko'ra, shuningdek:

har yili 1 dekabrgacha tibbiyot muassasalarining ehtiyojlaridan kelib chiqib, kelgusi yil uchun farmasevtika mahsulotlariga bo'lgan talab va ehtiyoj shakllantiriladi va internet saytida joylashtiriladi;

2024 yil 1 martdan davlat xaridlarini amalga oshirishda davlat buyurtmachisi bir lotda faqat bitta farmasevtika mahsulotini (xalqaro patentlanmagan nomi bo'yicha dori vositalari va tibbiy buyumlar) kiritishi mumkin bo'lgan tizim joriy qilinadi;

2025 yil 1 yanvardan bosqichma-bosqich barcha tibbiyot muassasalari tomonidan markazlashmagan tartibda xarid qilinadigan farmasevtika mahsulotlari xaridi markazlashtirilgan tartibga o'tkaziladi.

2024 yil yakunigacha hududiy tibbiyot tashkilotlarining omborlari “Zarur saqlash amaliyoti – (GSP)” talablari asosida tashkil etiladi va termolabil dori vositalarini yetkazib berish uchun maxsus yuk tashuvchi avtotransport vositalari bilan ta'minlanadi.

Xiva shahar yuridik xizmat ko’rsatish markazi