MAʼMURIY JARIMALAR 15 KUN ICHIDA TOʻLANSA, 50 FOIZ CHEGIRMA QOʻLLANILADI

Maʼmuriy jarimalarni toʻlashda aholiga qoʻshimcha qulayliklar yaratilishi munosabati bilan Maʼmuriy javobgarlik toʻgʻrisidagi kodeksga oʻzgartish kiritish boʻyicha Qonun (OʻRQ–830-son, 18.04.2023-y.) Prezident tomonidan imzolandi .

Kodeksning 332-1-moddasiga kiritilgan oʻzgartishga koʻra: 

Huquqbuzar unga jarima solish toʻgʻrisidagi qaror topshirilgan kundan boshlab 15 kun ichida jarima miqdorining 50 foizini yoki 30 kun ichida jarima miqdorining 70 foizini ixtiyoriy ravishda toʻlagan taqdirda, u jarimaning qolgan qismini toʻlashdan ozod qilinadi. 

 Jarima solish toʻgʻrisidagi qarorni ijro etishning soddalashtirilgan tartibi quyidagi hollarda qoʻllanilmaydi:

1.  Kodeksning 131, 132,  136 va 140-moddalarida nazarda tutilgan huquqbuzarliklar sodir etilganda;
2.  jarima solish toʻgʻrisidagi qaror ustidan shikoyat qilinganda yoki protest bildirilganda;
3.  xuddi shunday huquqbuzarlik maʼmuriy jazo chorasi qoʻllanilganidan keyin 1 yil davomida takror sodir etilganda.

Rasulbek IBRAGIMOV
Xorazm viloyat adliya boshqarmasi
bosh maslahatchisi