Бир мурожаат изидан.

            Тупроққалъа туман адлия бўлими томонидан, Тупроққалъа туман Халқ таълими бўлими бўлимининг Ўқув жараёнини методик таъминлаш шўбаси хорижий тиллар фани методисти лавозимида ишлаган С.З ҳамда Ўқув жараёнини методик таъминлаш шўбаси бошланғич таълим методисти лавозимида ишлаган И.Мларнинг Тупроққалъа туман халқ таълими бўлими томонидан 6-7 март кунлари ишдан бўшатилганлиги бироқ, ишдан бўшатиш нафақаси
тўланмаётганлигидан норози бўлиб берган аризалари ўрганилди.

            Мурожаат бўйича ўрганилганида, туман халқ таълими бўлими томонидан
қонунбузилиш ҳолатига йўл қўйилганлиги аниқланди.

            Хусусан, Ўзбекистон Республикаси халқ таълими вазирининг 2022 йил 21-декабрдаги “Педагогларни янги методикаларга ўргатиш миллий марказлари тузилмасида Методик ҳизмат кўрсатиш бўлимлари фаолиятини ташкил этиш тўғрисида”ги 385-сонли буйруғи ҳамда Ҳоразм вилояти Ҳалқ таълими бошқармасининг 2022- йил 30 декабрдаги 158-сонли буйруғига асосан, Технологиядаги, Ишлаб чиқариш ва меҳнатни ташкил этишдаги
ўзгаришлар, ҳодимлар сони (штати) ёки иш ҳусусиятининг ўзгаришига олиб келган ишлар ҳажмининг қисқарганлиги сабабли, Тупроққалъа туман халқ таълими бўлими ўқув жараёнини методик таъминлаш шўбаси бошланғич таълим методисти И.М ва ўқув жараёнини методик таъминлаш шўбаси хорижий тиллар фани методисти С.Зларга Ўзбекистон Республикаси Меҳнат Кодексининг 100-моддаси  (2023 йил 30 апрелдан ўз кучини йўқотган) 2-қисми 1-бандига асосан 2023 йил 4 январ куни меҳнат шартномаси бекор қилиниши тўғрисида
огоҳлантириш ҳати берилиб, 2023 йил 6- 7 март кунлари меҳнат шартномалари бекор қилинган.

            Ўзбекистон Республикасининг Меҳнат кодекси  109- моддасида (2023 йил 30 апрелдан ўз кучини йўқотган)  тарафлар ихтиёрига боғлиқ бўлмаган ҳолда Меҳнат шартномаси бекор қилинган ҳолларда ишдан бўшатиш нафақаси тўланиши, 110-моддасида Меҳнат шартномаси иш берувчининг ташаббуси билан бекор қилинганида ходимга тегишли иш ҳақи, унинг хусусида низо бўлмаса : 1) меҳнат шартномаси бекор қилинган кунга қадар ишлаётган ходимга, — меҳнат шартномаси бекор қилинган куни; 2) меҳнат шартномаси бекор қилинган куни ишламаётган ходимга, — у ҳисоб-китоб қилишни талаб этган куни тўланиши шартлиги белгиланган.

            Бироқ мурожаатни ўрганиш кунига қадар С.З ва И.Мларга
ишдан бўшаш нафақаси ва иш хақи ва унга тенглаштирилган тўловлар туман халқ  таълими  бўлими томонидан тўлаб берилмаганлиги аниқланди.

            Аниқланган, ҳолатлар юзасидан Тупроққалъа туман адлия  бўлими томонидан туман халқ таълими бўлими мудири номига қонун хужжатларининг бузилиши, уларнинг сабаблари ва бунга олиб келувчи шарт шароитларни бартараф этиш тўғрисида тақдимнома киритилиб, тақдимномага асосан И.М га 6.095.612 сўм  ва С.З га  4.983.654 сўм иш ҳақи ва унга тенглаштирилган тўловлар тўлиқ тўлаб берилиши таъминланди.

Тупроққалъа туман адлия бўлими

бошлиғи Болтаева  Шоира  Худайбергановна.