18 yoshga to‘lmagan xodimlar, ya’ni bolalar ish davomida qanchagacha yuk ko‘tarishi va tashishi mumkinligini bilasizmi?

Agar ish vaqtini uchdan bir qismi yuk ko‘tarish va tashish bilan bog‘liq ishlar bo‘lsa, 16 yoshdan 18 yoshgacha xodimlarning yuk ko‘tarish va tashish chegarasi quyidagicha:

➖Yukni qo‘lda ko‘tarish va tashish ishlarida: o‘g‘il bolalar 13 kg gacha, qizlar 7 kg gacha;

➖Yukni bir g‘ildirakli aravachada tashish ishlarida: o‘g‘il bolalar 39 kg gacha, qizlarga ruhsat etilmaydi;

➖Yukni ikki g‘ildirakli aravachada tashish ishlarida: o‘g‘il bolalar 47 kg gacha, qizlarga ruhsat etilmaydi;

➖Yukni uch va to‘rt g‘ildirakli aravachada tashish ishlarida: o‘g‘il bolalar 67 kg gacha, qizlarga 52 kg gacha.

Yuqoridagi talablar 1954-sonli nizomda ko‘rsatib o‘tilgan. Bu talablarni buzgan ish beruvchilar qonunchilikda belgilangan qat’iy jazoga tortilishi mumkin.

Eslatib o‘tamiz, amaldagi MKning 118-moddasiga asosan ishga qabul qilishga umumiy –16 yoshdan yo‘l qo‘yiladi.

Gurlan tumani yuridik xizmat ko’rsatish markazi bosh yuriskonsulti Muhiddin Qo’zibayev.