Конститутция 11-моддаси ўрганамиз.

Конституциямизнинг 11-моддасида “Ўзбекистон Республикаси давлат ҳокимиятининг тизими – ҳокимиятнинг қонун чиқарувчи, ижро этувчи ва суд ҳокимиятига бўлиниши принципига асосланади", деб белгиланган.

Давлат ҳокимиятининг бўлиниш принципи давлатнинг демократик ва умуминсоний қадриятлар асосида ривожланиши учун энг асосий таянчлардан биридир.

Сабаби ҳокимиятнинг ягона шахс ёки орган қўлида тўпланиши мувозанатни бузади. Айни шу мувозанатни барқарорлигини таъминлаш учун ҳокимиятнинг бўлиниш принципи конституциявий норма сифатида мустаҳкамланган.

Конституцияга мувофиқ қонун чиқарувчи ҳокимият – Олий Мажлис томонидан, ижро этувчи ҳокимият – Вазирлар Маҳкамаси томонидан, суд ҳокимияти эса – Олий суд ва Конституциявий суд томонидан олиб борилади.

Мазкур органларнинг фаолияти Конституция ҳамда алоҳида қонунчилик ҳужжатлари билан тартибга солинган.

Хонка туман адлия бўлими