Kam ta’minlangan oilalarga davlat hisobidan qanday yuridik yordam ko‘rsatiladi?

O‘zbekiston Respublikasining 848-sonli Qonuniga ko‘ra, “Ijtimoiy himoya yagona reestri”ga kiritilgan shaxslarga fuqarolik ishlari bo‘yicha sudlarga va maʼmuriy sudlarga taalluqli bo‘lgan quyidagi mazmundagi ishlar bo‘yicha davlat hisobidan yuridik yordam ko‘rsatilishi belgilangan:

ijtimoiy nafaqalar va moddiy yordam tayinlash hamda to‘lash to‘gʼrisidagi;

ishga tiklash haqidagi;

ish haqini undirish to‘gʼrisidagi;

alimentlarni undirish haqidagi;

uyga kiritish, turar joydan foydalanish huquqini yo‘qotgan deb topish va ko‘chirish to‘gʼrisidagi;

mehnatda mayib bo‘lganlik yoki sogʼliqning boshqacha tarzda shikastlanganligi, shuningdek boquvchining vafot etganligi tufayli yetkazilgan zararning o‘rnini qoplash haqidagi;

tergovga qadar tekshiruvni amalga oshiruvchi organlarning, surishtiruv, dastlabki tergov, prokuratura organlarining va sudning qonunga xilof harakatlari tufayli yetkazilgan zararning o‘rnini qoplash to‘gʼrisidagi.

Hazorasp tuman adliya bo‘lim yuridik xizmat ko‘rsatish markazi