Qanday hollarda bolalar nafaqasi berilishi to‘xtatiladi?

Bolalar nafaqasi berilishi o‘zidan-o‘zi to‘xtab qolmasligi kerak.Buning uchun qonuniy sabab bo‘lishi kerak. Hukumatning 654-son qarori bilan tasdiqlangan nizomga asosan, ijtimoiy nafaqalar to‘lanishi quyidagi hollarda to‘xtatiladi

tayinlash muddati tugaganda;

ariza beruvchi yoki uning oila aʼzosi tomonidan Pensiya jamgʼarmasi bo‘limiga to‘lov to‘xtatilishini so‘rab ariza taqdim qilinganda;

oila doimiy yashash uchun O‘zbekiston Respublikasi hududidan tashqariga ko‘chib ketganida;

nafaqa texnik nosozlik natijasida, shuningdek, arizani kiritishda va boshqa texnik xatolar oqibatida noto‘gʼri tayinlanganligi aniqlangan taqdirda;

bolalar nafaqasi yoki moddiy yordamni tayinlash to‘gʼrisidagi qarorga taʼsir ko‘rsatgan ariza beruvchi tomonidan noto‘gʼri va ishonchsiz maʼlumotlar taqdim etilganligi yoki to‘liq taqdim etilmaganligi aniqlanganda;

ortiqcha to‘lovlar aniqlanganda (Vaqtincha) to‘xtatiladi.

Hazorasp tuman adliya bo‘lim yuridik xizmat ko‘rsatish markazi