Yuridik shaxs maqomiga ega bo‘lmagan kasaba uyushmalari tashkilotlari hisobga qo‘yiladi

Qonun (O‘RQ-942-son, 13.08.2024 y.) bilan ayrim qonun hujjatlariga qo‘shimchalar va o‘zgartirish kiritildi

Soliq kodeksiga kiritilgan qo‘shimchaga ko‘ra, yuridik shaxs maqomiga ega bo‘lmagan kasaba uyushmalarining bo‘linmalariga va boshlang‘ich kasaba uyushmalari tashkilotlariga soliq to‘lovchining identifikatsiya raqami beriladi.

 Bundan tashqari “Kasaba uyushmalari to‘g‘risida”gi Qonunga yuridik shaxs maqomiga ega bo‘lmagan kasaba uyushmalari bo‘linmalarining va boshlang‘ich kasaba uyushmalari tashkilotlarining adliya organlarida hisobga qo‘yilishi mumkinligini va ushbu tartib Vazirlar Mahkamasi tomonidan belgilanishini nazarda tutuvchi qo‘shimchalar kiritildi.

Qonun rasmiy eʼlon qilingan kundan eʼtiboran kuchga kiradi.

Xiva shahar yuridik xizmat ko’rsatish markazi