Сайлов комиссиялари тизими ҳақида биласизми

Сайлов кодексига асосан Сайлов комиссиялари тизимига қуйидагилар киради:

-Марказий сайлов комиссияси;

- ҳудудий сайлов комиссиялари;

-туман ва шаҳар сайлов комиссиялари;

-халқ депутатлари вилоятлар ва Тошкент шаҳар Кенгашларига сайлов ўтказиш бўйича округ сайлов комиссиялари;

-участка сайлов комиссиялари.

Сайлов комиссиялари фуқароларни:

-ўз иши тўғрисида, сайлов округлари, участкалари тузилганлиги ҳақида, сайлов комиссияларининг таркиби, уларнинг жойлашган ери ва иш вақти тўғрисида хабардор этади;

-сайловчиларнинг рўйхатлари, сайловда иштирок этаётган сиёсий партияларнинг рўйхати билан таништиради;

-Ўзбекистон Республикаси Президентлигига, Қонунчилик палатаси депутатлигига, маҳаллий Кенгашлар депутатлигига номзодлар тўғрисидаги, шунингдек овоз бериш ва сайлов якунлари ҳақидаги маълумотларни маълум қилади.

Сайлов комиссияларининг фаолиятига аралашишга йўл қўйилмайди ва бундай аралашув қонунга мувофиқ жавобгарликка сабаб бўлади.

Расулбек Ибрагимов

Вилоят адлия бошқармаси шўба бошлиғи