O‘QITUVCHILARGA MODDIY YORDAM PULI BERILADIMI?

      Savol: Assalomu alaykum, men o‘qituvchiman yanvar oyida operatsiya bo‘ldim qo‘limdan 10 kun kasalxonada da’volandim va ishga chikdim. Mehnatga layoqatsizlik varaqasi qog‘ozimni olib borsam menga ish joyimdan moddiy yordam puli beriladimi?

     Javob: O‘zbekiston Respublikasi Vazirlar Mahkamasining 30.09.2019 yildagi 823-sonli Qarori bilan tasdiqlangan “Umumiy o‘rta ta’lim muassasalarining o‘rnak ko‘rsatgan xodimlarini rag‘batlantirishning direktor jamg‘armasini tashkil etish va uning mablag‘laridan foydalanish tartibi to‘g‘risida”gi Nizomning 33-bandiga asosan, Umumta’lim muassasalari xodimlariga moddiy yordam ularning murojaatiga ko‘ra yoki umumta’lim muassasasi kasaba uyushmasi tashkilotining tashabbusi bo‘yicha:

• favqulodda hollarda, ya’ni yaqin qarindoshi (otasi, onasi, turmush o‘rtog‘i, farzandi) vafot etganda;

• xodim va uning yaqin qarindoshi (otasi, onasi, turmush o‘rtog‘i, farzandi) og‘ir jarohat olganda;

• og‘ir kasallikka chalinganda;

• xodim tabiiy ofatdan zarar ko‘rganda ko‘rsatiladi.

Gurlan tumani yuridik xizmat ko’rsatish markazi bosh yuriskonsulti J.Jumaboyev