ISH BERUVCHINING MAJBURIYATI..

 Mehnat kodeksining 117-moddasiga asosan, ish beruvchi ish bilan bog‘liq, shuningdek quyidagi hujjatlarni xodim arizasiga ko‘ra 3 ish kunida berishi shart

• ishga qabul qilish, boshqa ishga o‘tkazish haqidagi buyruqlar ko‘chirma nusxalari;
• mehnat daftarchasidan yoki elektron mehnat daftarchasidan ko‘chirma;
• ish haqi to‘g‘risidagi ma’lumotlar;
• hisoblangan hamda xodim tomonidan haqiqatan to‘langan soliqlar va yig‘imlar haqidagi ma’lumot;
• ish beruvchida ishlash davri to‘g‘risidagi ma’lumotnomalar va boshqalar.

Ushbu hujjatlarning ko‘chirma nusxalari tashkilot rahbarining yoki boshqa vakolatli shaxsning imzosi, shuningdek muhri bilan tasdiqlangan bo‘lishi kerak.

 Ish bilan bog‘liq hujjatlar va ularning ko‘chirma nusxalari xodimga bepul beriladi.

Gurlan tumani yuridik xizmat ko’rsatish markazi bosh yuriskonsulti M.Qo’ziboyev