«OʻZBEKISTON – 2030» STRATEGIYASI: ASOSIY GʻOYALAR

2023 yil 11 sentyabrda Oʻzbekiston Respublikasi Prezidentining «Oʻzbekiston - 2030» strategiyasi toʻgʻrisida»gi 158-son Farmoni qabul qilindi. Hujjat OʻzA tomonidan chop etildi. 

Farmon bilan Yangi Oʻzbekiston taraqqiyot strategiyasini amalga oshirish jarayonida orttirilgan tajriba va jamoatchilik muhokamasi natijalari asosida ishlab chiqilgan «Oʻzbekiston – 2030» strategiyasi tasdiqlandi. Hujjatda quyidagi asosiy gʻoyalar aks ettirilgan:

• barqaror iqtisodiy oʻsish orqali daromadi oʻrtachadan yuqori boʻlgan davlatlar qatoridan oʻrin olish;
• aholi talablariga va хalqaro standartlarga toʻliq javob beradigan ta’lim, tibbiyot va ijtimoiy himoya tizimini tashkil qilish;
• aholi uchun qulay ekologik sharoitlarni yaratish;
• хalq хizmatidagi adolatli va zamonaviy davlatni barpo etish;
• mamlakatning suvereniteti va хavfsizligini kafolatli ta’minlash.

«Oʻzbekiston – 2030» strategiyasi doirasida oʻz dolzarbligini yoʻqotmagan barcha maqsadlarga erishish, shuningdek, Yangi Oʻzbekistonni rivojlantirish strategiyasida belgilangan vazifalarni amalga oshirish ta’minlanadi.

 Hujjat bilan «Oʻzbekiston – 2030» strategiyasini amalga oshirish boʻyicha Respublika komissiyasi tarkibi tasdiqlandi.

«Taraqqiyot strategiyasi» markazi Raqamli teхnologiyalar vazirligi bilan birgalikda strategiya ijrosini baholash imkoniyatini yaratuvchi onlayn portalni ishga tushirishi belgilangan.

Qo`shko`pir tumani adliya bo`limi

Yuridik xizmat ko`rsatish markazi

Bosh yuriskonsulti T.Rajabov