Vazirlar Mahkamasining 04.07.2023 yildagi “Sanitariya-epidemiologik osoyishtalik va jamoat salomatligi sohasida kadrlarni qayta tayyorlash va ularning malakasini oshirish markazini tashkil etish chora-tadbirlari toʻgʻrisida”gi 272-son qarori qabul qilindi.
20 kishidan iborat Markaz Sanitariya-epidemiologik osoyishtalik va jamoat salomatligi qoʻmitasi huzurida tashkil etilishi belgilangan.
Ushbu qaror bilan Quyidagilar Markazning asosiy vazifalari etib belgilangan:
jamoat salomatligi va kasalliklar profilaktikasi hamda aholining sanitariya-epidemiologik osoyishtaligiga oid fundamental va ilmiy-amaliy tadqiqotlarni amalga oshirish, soha mutaxassislarini qayta tayyorlash va ularning malakasini oshirish;
qayta tayyorlash va malaka oshirish jarayoniga innovatsion texnologiyalar hamda ilg‘or xorijiy tajribani joriy etishga mo‘ljallangan o‘quv rejasi va dasturlarini belgilangan tartibda ishlab chiqish;
xalqaro e’tirof etilgan tashkilotlarda akkreditatsiyadan o‘tgan o‘quv dasturlari asosida qayta tayyorlash va malaka oshirishning o‘quv-metodik hujjatlarini ishlab chiqish;
shartnoma asosida tegishli yo‘nalishlar bo‘yicha xorijiy oliy ta’lim tashkilotlarining professor-o‘qituvchilari va soha mutaxassislarini qayta tayyorlash va malaka oshirish jarayonlariga jalb etish;
sanitariya-epidemiologik osoyishtalik va jamoat salomatligi sohasining ilg‘or yutuqlari, masofadan o‘qitish, zamonaviy axborot-kommunikatsiya texnologiyalaridan foydalangan holda malaka oshirishning innovatsion shakllarini joriy etish, o‘quv-metodik resurslarni ishlab chiqish, ta’lim dasturlarini takomillashtirish;
idoralararo hamkorlik qilish, shu jumladan, sanitariya-epidemiologik osoyishtalik va jamoat salomatligi sohasida favqulodda holatlarning oqibatlarini bartaraf etish bo‘yicha mashqlar va mashg‘ulotlar o‘tkazish;
Qarorga binoan, Markaz davlat muassasasi shaklidagi yuridik shaxs hisoblanadi, hamda Markaz direktori lavozimi boʻyicha oliygohning dekaniga, oʻrinbsori – dekan oʻrinbosariga tenglashtirilmoqda.
Ikki oy ichida Markazni tajribali professor-oʻqituvchilar bilan toʻldirish uchun ochiq tanlov oʻtkazilishi belgilan qoʻyilgan.
Tuproqqal’a tumani adliya boʻlimi boshligʻi Boltayeva Shoira.
