BMT tashkiloti tomonidan 3-dekabr –Xalqaro nogironlar kuni, deb eʼlon qilingan. Ushbu sana butun dunyo boʻylab keng nishonlanadi va bundan asosiy maqsad aqlan va jismonan nuqsoni bor zamondoshlarimizni har tomonlama qoʻllab-quvvatlashdan iboratdir.
Bugun ushbu sana munosabati bilan Shovot tumanida nogironligi bo‘lgan fuqarolarimizning 200 nafari uchun dasturxon yozildi. Tabirda tuman hokimi Odilbek Artiqov so‘zga chiqib, davlatimizda olib borilayotgan islohotlar inson qadri uchun, shunday ekan hech bir fuqaro e’tibordan chetda qolmaydi deya takidlab o‘tdi. Shuningdek, nogironligi bo‘lgan fuqarolarning 9 nafariga nogironlik aravachasi, 8 nafariga hassa va qolgan fuqarolarga sovg‘alar ulashildi. Tuman madaniyat bo‘limi san’atkorlari tomonidan yangragan kuy va qo‘shiqlar tadbirga ko‘tarinki kayfiyat bag‘ishladi.
