O’zbekiston Respublikasi Mehnat kodeksini 205-moddasiga ko’ra, ish kuni (smena) davomida dam olish va ovqatlanish uchun tanaffusdan tashqari xodimlarga quyidagi qо‘shimcha tanaffuslar beriladi:
qonunchilikda, sanitariya normalari va qoidalarida yoki mehnat haqidagi boshqa huquqiy hujjatlarda belgilangan, texnologiya hamda ishlab chiqarish va mehnatni tashkil etish yoxud ushbu mehnat faoliyati turining о‘ziga xos xususiyatlari bilan bog‘liq tanaffuslar;
yilning issiq yoki sovuq mavsumida ochiq havoda yoxud sovitilmaydigan yoki isitilmaydigan yopiq xonalarda ishlaydigan, shuningdek yuk ortish-tushirish ishlarida band bо‘lgan shaxslar uchun maxsus tanaffuslar. Ish beruvchi isitish, sovitish uchun asbob-uskunalar bilan jihozlangan va xodimlarning dam olishi uchun yaroqli bо‘lgan xonalarni ta’minlashi shart. Bunday tanaffuslar taqdim etiladigan ishlarning rо‘yxati, harorat kо‘rsatkichlari, shuningdek ushbu tanaffuslarning davriyligi va davomiyligi ish о‘rinlarini mehnat sharoitlari hamda asbob-uskunalarning jarohatlash xavfi bо‘yicha attestatsiyadan о‘tkazish asosida belgilanadi;
bolani ovqatlantirish uchun tanaffuslar.
Ushbu moddaning birinchi qismida sanab о‘tilgan tanaffuslar ish vaqtiga kiritiladi.
Mehnat tо‘g‘risidagi qonunchilikda va mehnat haqidagi boshqa huquqiy hujjatlarda xodimlarga ish kuni davomida ish vaqtiga kiritiladigan yoki kiritilmaydigan boshqa tanaffuslar berish nazarda tutilishi mumkin.
Xonqa tuman yuridik xizmat
ko‘rsatish markazi bosh yuriskonsulti Z.Xaitov
