O’zbekiston Respublikasi Mehnat kodeksini 179-moddasiga ko’ra, ish beruvchida saqlanayotgan shaxsga doir ma’lumotlarining himoya qilinishini ta’minlash maqsadida xodim quyidagi huquqlarga ega:
о‘zining shaxsga doir ma’lumotlari va ushbu ma’lumotlarga ishlov berish tо‘g‘risida tо‘liq axborot olish;
о‘zining shaxsga doir ma’lumotlaridan erkin bepul foydalanish, shu jumladan xodimning shaxsga doir ma’lumotlarini о‘z ichiga olgan har qanday yozuvning kо‘chirma nusxalarini olish huquqi, bundan qonunda nazarda tutilgan hollar mustasno;
о‘zining shaxsga doir ma’lumotlarini himoya qilish uchun vakil belgilash;
sog‘lig‘ining holatini aks ettiruvchi tibbiy hujjatlardan foydalanish;
shaxsga doir notо‘g‘ri ma’lumotlarni chiqarib tashlash, tо‘g‘rilash yoki tо‘liq bо‘lmagan ma’lumotlarni, shuningdek ushbu Kodeks yoki boshqa qonun talablarini buzgan holda ishlov berilgan ma’lumotlarni tо‘ldirish tо‘g‘risida talab qilish;
ilgari xodimning notо‘g‘ri yoki tо‘liq bо‘lmagan shaxsga doir ma’lumotlari о‘ziga xabar qilingan barcha shaxslarga ushbu ma’lumotlarda amalga oshirilgan barcha istisnolar, tuzatishlar yoki tо‘ldirishlar haqida ish beruvchi tomonidan xabar qilinishi tо‘g‘risida talab qilish;
о‘zining shaxsga doir ma’lumotlariga ishlov berish va ularni himoya qilish chog‘ida ish beruvchining barcha g‘ayriqonuniy qarorlari, harakatlari (harakatsizligi) ustidan shikoyat qilish, shu jumladan sudga ham shikoyat qilish.
Ish beruvchi xodimning shaxsga doir ma’lumotlarini chiqarib tashlashni, tuzatishni yoki tо‘ldirishni rad etgan taqdirda, u ish beruvchiga о‘zining tegishli asosga noroziligi haqida yozma shaklda ma’lum qilish huquqiga ega.
Xonqa tuman yuridik xizmat
ko‘rsatish markazi bosh yuriskonsulti Z.Xaitov
