O’zbekiston Respublikasi Vazirlar Mahkamasining 2003 yil 25- avgustdagi 365 - sonli qarori bilan tasdiqlangan ,, Nikohlanuvchi shaxslarni tibbiy ko’rikdan o’tkazish to’g’risida”gi Nizomga asosan:
Sog‘lom oilani shakllantirish uchun shart-sharoitlar yaratish, irsiyat bilan bog‘liq va tug‘ma kasalliklarga chalingan bolalar tug‘ilishining oldini olish nikohlanuvchi shaxslarni tibbiy ko‘rikdan o‘tkazishning maqsadi hisoblanadi.
Nikohlanuvchi shaxslarga FHDY boʻlimiga nikohga kirish arizalari bilan murojat etganidan soʻng tibbiyot muassasalariga yoʻllanma beriladi. Ular psixik, narkologik, tanosil kasalliklari, sil kasalligi va OIV/OITS yuzasidan tibbiy ko’rikdan o’tadilar.
2021-yil 1-iyundan fuqarolarning doimiy (vaqtincha) roʻyxatdan oʻtgan joyidan qatʼi nazar fuqarolik holati dalolatnomalarini qayd etish, nikohlanuvchi shaxslarni tibbiy koʻrikdan oʻtkazish kabi amaliyotlar eksterritorial tamoyil asosida amalga oshiriladi.
Oʻzbekiton Respublikasi Oila Kodeksining 13-moddasiga muvofiq 50 yoshdan katta shaxslarni ( yoki alohida hollar mavjud bo’lganda) tibbiy ko‘rikdan oʻtkazish faqat ularning roziligiga ko‘ra amalga oshiriladi.
Tibbiy koʻrik natijalari aks etgan ma’lumotnomaning amal qilish muddati 3 oy hisoblanadi.Nikohni qayd etuvchi shaxslar tibbiy ko‘rik natijalari to‘g‘risidagi axborotning maxfiyligi uchun javob beradilar.
Xiva shahar FHDY boʻlimi mudiri v/b Sharipova Yulduz Gaibnazar qizi
