03.09.1993 yildagi 938-XII-son qonunga ko‘ra, I va II guruh nogironlik pensiyasi tayinlanganidan keyingi ishlangan vaqt ish stajiga qo‘shib xisoblanadi.
I va II guruh nogironlik pensiyasi tayinlanganidan keyin kamida 1 yil ish stajiga ega bo‘lsa, fuqaroning arizasi asosida ish staji va ish haqi inobatga olingan holda pensiya har ikki yilda bir marotaba qayta hisoblab chiqiladi. Bunda pensiyani qayta hisoblash fuqaro pensiya miqdorini qayta hisoblash uchun murojaat qilgan sanadagi yoshga nisbatan talab qilingan ish stajidan kelib chiqqan holda amalga oshiriladi.
Bu degani yuqoridagi toifaga kiruvchi shaxslar pensiyaga chiqdi, lekin ular yana ishlashni davom ettirmoqda. Shunday holatda ular har ikki yilda bir marta murojaat qilib pensiyaga chiqqanidan keyin ishlagan ish stajini pensiyaga chiqishdan oldingi stajiga qo‘shtirib olishlari mumkin. Buning natijasida ular olayotgan pensiyalar miqdori xam qo‘shilgan ish stajiga qarab oshirib boriladi.
Gurlan tumani yuridik xizmat ko’rsatish markazi bosh yuriskonsulti M.Qo’ziboyev
