Endilikda qishloq xo'jaligi yerlari faqat elektron auksion orqali ijaraga beriladi
2024-yil 1-martdan qishloq xo'jaligiga mo'ljallangan yer uchastkalarini ijaraga berishda ochiq elektron tanlov o'rniga elektron onlayn-auksion savdolari joriy etiladi. Bunda:
ijara muddati – 30 yil, boshlang'ich narx – yer uchastkasining normativ qiymati miqdorida belgilanadi;
auksion g'oliblariga yer narxini 3 yilga, “Temir daftar”, “Ayollar daftari” va “Yoshlar daftari”da ro'yxatda turgan fuqarolarga esa – 5 yilga foizsiz bo'lib-bo'lib to'lashga ruxsat beriladi;
auksiondan tushgan mablag'lar xarajatlar chiqarib tashlangandan keyin tegishli tuman mahalliy byudjetiga o'tkaziladi.
2024-yil 1-martga qadar respublika bo'yicha jami 15 626,8 gektar yer maydoni elektron onlayn-auksion savdolariga chiqarilishi nazarda tutilgan.
Manba: “Qishloq xo'jaligiga mo'ljallangan yer uchastkalarini ijaraga berish tartibini takomillashtirish bo'yicha qo'shimcha chora-tadbirlari to'g'risida”gi Prezident Farmoni.
Xiva tuman yuridik xizmat ko'rsatish markazi bosh yuriskonsulti
M.Bayjanov
