Qonunchilikka koʻra, elektr va issiqlik energiyasini behuda sarflaganlik uchun Maʼmuriy javobgarlik toʻgʻrisidagi kodeksda mansabdor shaxslar uchun javobgarlik belgilangan.
Elektr va issiqlik energiyasini behuda sarflash, yaʼni elektr dvigatellaridan, elektr pechlari va boshqa elektr hamda issiqlik uskunalaridan muntazam ravishda, ishlab chiqarish zarurati boʻlmagan holda toʻliq foydalanmaslik yoki ularni bekorga ishlatib qoʻyish, zichlangan havo, suv va issiqlikning muntazam ravishda nobud boʻlishi, energiya bilan taʼminlovchi tashkilotlarning ruxsatisiz xizmat binolari va boshqa binolarni isitish uchun, shuningdek ishlab chiqarish jarayonida nazarda tutilmagan boshqa maqsadlar uchun elektr energiyasidan foydalanish, yoritish uchun elektr energiyasidan xoʻjasizlarcha foydalanish — mansabdor shaxslarga bazaviy hisoblash miqdorining besh baravaridan oʻn besh baravarigacha (1 875 000 – 5 625 000) miqdorda jarima solishga sabab boʻladi.
Agarda xuddi shunday huquqbuzarlik maʼmuriy jazo chorasi qoʻllanilganidan keyin bir yil davomida takroran sodir etiladigan boʻlsa, mansabdor shaxslarga bazaviy hisoblash miqdorining oʻn besh baravaridan oʻttiz baravarigacha (5 625 000 – 11 250 000) miqdorda jarima solishga sabab boʻladi.
Gurlan tuman YXKM boshlig‘i E.Raxmatillayev
