Vazirlar Mahkamasining 654-son qarori bilan tasdiqlangan nizomga asosan,bolalar nafaqasi oiladagi bolalar sonidan kelib chiqib tayinlanadi.Bolalar nafaqasi 12 oy muddatga tayinlanadi, biroq oilaning eng kichik yoxud yagona bolasi o‘n sakkiz yoshga to‘lgan oyning oxirigacha to‘lanadi. Moddiy yordam bolalari bo‘lmagan yoki barcha bolalari 18 yoshdan katta bo‘lgan oilalarga va yakka-yolgʼiz fuqarolarga 6 oy muddatga tayinlanadi va to‘lanadi. Аgar bir oilada tugʼilgan, farzandlikka olingan yoki vasiylikka qabul qilingan bolalar egizak bo‘lsa, ularning biri yoshi 3 yoshgacha bo‘lgan kichik bola, keyingilari mos ravishda ikkinchi, uchinchi yoki to‘rtinchi hisoblanadi. Yaʼni, oilada tugʼilgan 3 yoshga to‘lmagan egizak bolalarning har ikkisi xam bir xil miqdorda bolalar nafaqasi olmaydi. Bunda, egizaklarning biri 3 yoshga to‘lmagan bolalarga beriladigan miqdorda, ikkinchisi esa uch yoshdan katta yoshdagi bolalarga beriladigan miqdorda bolalar nafaqasi oladi degani bu. Oilani kam taʼminlangan deb eʼtirof etish hamda ularga bolalar nafaqasi va moddiy yordamni tayinlash va to‘lash to‘gʼrisidagi qarorlar «Yagona reestr» АTda shakllantiriladi va qabul qilinadi.
Hazorasp tuman adliya bo‘lim yuridik xizmat ko‘rsatish markazi
