Prezidentning 13.02.2024 yil kungi PQ-71-son “Qishloq xo‘jaligi yerlari degradatsiyasiga qarshi kurashish, tuproqning gumus miqdori va unumdorligini oshirishni qo‘llab-quvvatlashning qo‘shimcha chora-tadbirlari to‘gʼrisida”gi Qarori qabul qilingan. Qarorga muvofiq 2024–2025 yillarda tajriba tariqasida paxta maydonlarida tuproq unumdorligi va hosildorlikni, shu jumladan tuproqning gumus miqdorini oshirish bo‘yicha agrotexnik tadbirlar uchun yerdan foydalanuvchilarga (jumladan, klasterlarga) har bir gektar maydonga bir million so‘mdan subsidiya ajratiladi.
Subsidiya ajratish Qishloq xo‘jaligi vazirligi tomonidan “Аgrosubsidiya axborot tizimi” orqali amalga oshiriladi;
paxta maydonlarida tuproq unumdorligi va hosildorlikni oshirish bo‘yicha tadbirlarni bajarish uchun dastlab hisoblangan subsidiyaning 70 foizi 2024 yilda ajratiladi;
subsidiyaning qolgan 30 foizi Paxtachilik kengashining hosildorlik oldingi mavsumga nisbatan o‘rtacha 10 foizga oshganligi to‘gʼrisidagi xulosasiga asosan 2025 yilda ajratiladi.
Hazorasp tuman adliya bo‘lim yuridik xizmat ko‘rsatish markazi
