"Davlat ijtimoiy sug‘urtasi bo‘yicha nafaqalar tayinlash va to‘lash tartibi to‘g‘risida" Nizom https://lex.uz/docs/-357102 ( ro'yxat raqami 1136) 103-bandiga ko'ra, vaqtincha mehnatga qobiliyatsizlik bo‘yicha tayinlangan nafaqalar, shu jumladan sil kasalligi sanatoriylarida davolanish uchun beriladigan nafaqalar ish haqi to‘lash uchun belgilangan muddatlarda to‘lanadi .
Nizomning 104-bandiga ko'ra esa, homiladorlik va tug‘ish nafaqasi tug‘ishdan oldin amalda foydalanilgan kunlarning sonidan qat’i nazar, ta’tilning to‘liq davri uchun bir yo‘la to‘lanadi. Demak, xulosa qiladigan bo'lsak, homiladorlik va tug‘ish nafaqasi ish haqi to‘lash uchun belgilangan muddatda ta’tilning to‘liq davri uchun bir yo‘la to‘lab beriladi.
Ozbekiston Respublikasi Mehnat kodeksining 253-moddasiga ko'ra esa, xodimlarga ish haqi to‘lash muddatlari jamoa shartnomasida yoki ichki hujjatda, ular mavjud bo‘lmaganda esa mehnat shartnomasida shart qilib ko‘rsatilgan muddatlarda belgilanadi va har yarim oyda bir martadan kam bo‘lishi mumkin emas . Xodimlarga oylik ish haqi, qoida tariqasida, 16 kundan ko‘p bo‘lmagan tanaffus bilan ikki qismga bo‘lingan holda (bo‘nakda va qolgan qismi miqdorida) to‘lanadi.
S.Matnazarova
Hazorasp tuman adliya bolimi
yuridik xizmat korsatish markazi bosh yuriskonsulti
