Хонқа туман адлия бўлими Хонқа тумани, Порлоқ маҳалласи, Олмазор кўчаси 20-уйда яшовчи Д.Матчановнинг туман мактаб ва мактабгача таълим бўлими томонидан устама тўловлари тўланмаётганлигидан норози бўлиб қилган мурожаати кўриб чиқилди.
Аниқланишича, бўлим мудирининг 2020-йил 3-январдаги 003-к-сонли буйруғига асосан Д.Матчанов таълим жараёнига АКТни жорий қилиш бош мутахассиси вазифасига қабул қилинган.
Ўзбекистон Республикаси Президентининг 2021-йил 19-февралдаги “Ахборот технологиялари ва коммуникациялари соҳасини янада такомиллаштириш чора-тадбирлари тўғрисида”ги ПФ-5349-сон Фармони г-бандида давлат органлари ва бошқа бюджет ташкилотларининг замонавий ахборот технологиялари ва коммуникацияларини жорий қилиш ва ривожлантиришга масъул бўлган ходимларига бериладиган ҳар ойлик устама миқдори давлат бюджетидан, давлат бюджетидан ажратилмаган бўлса, ушбу ташкилотларнинг бюджетдан ташқари маблағлари ҳисобидан ходим лавозим маошидан 100 фоиздан кам бўлмаган миқдорда белгиланиши белгиланган.
Ўрганишда Д.Матчановга 2020-йилда 16659,8 минг сўм, 2021-йилда 28415,3 минг сўм жами 45071,1 минг сўм устама тўлаб берилмасдан келиниб унинг қонуний ҳуқуқ ва эркинликлари бузилишига йўл қўйганлиги аниқланган.
Хонқа туман адлия бўлими томонидан аниқланган қонунбузилиш ҳолатларини бартараф этиш юзасидан киртилган тақдимнома натижасида Д.Матчановга тўланмасдан келинаётган 45071,1 минг сўм устама тўловлари тўлаб берилиши таъминланиб, унинг хуқуқлари тикланган.
Хонқа туман адлия бўлими бошлиғи Ф.Жаббаров
