Gurlan tuman adliya bo‘limi tomonidan tumandagi “Olchin” mahallasida yashovchi fuqaro I.Kazakovning ustama pullari to‘lanmasdan qolganligi va bu yuzadan amaliy yordam ko‘rsatishni so‘rab qilgan murojaati ko‘rib chiqildi.
Murojaatni ko‘rib chiqish jarayonida fuqaro I.Kazakovga tumandagi “Olchin” mahalla fuqarolar yig‘ini raisi lavozimida 2021 yil davomida ishlagan davri uchun jami 4.343.960 so‘m ish haqiga ustama pullari tuman hokimligi tomonidan to‘lanmasdan qolganligi aniqlandi.
Mazkur holat yuzasidan tuman adliya bo‘limi tomonidan tuman hokimligidan fuqaro I.Kazakov foydasiga to‘lanmadan qolgan 4.343.960 so‘m ustama pullarini undirish bo‘yicha fuqarolik ishlari bo‘yicha Shovot tumanlararo sudiga da’vo arizasi kiritilib, da’vo ariza sudda ko‘rilib qanoatlantirildi hamda I.Kazakovga 4.343.960 so‘m ustama pullari to‘lab berilishi ta’minlandi.
N.Raximov
Gurlan tuman adliya
bo‘limi boshlig‘i
