s
Xato deganda - shaxs o'zi sodir qilgan qilmishining yuridik va faktik holatlariga nisbatan adashishi tushuniladi. Adashganlik xususiyatiga ko'ra, xato: yuridik va faktik xato turlariga bo'linadi. Yuridik xato deb - shaxs sodir qilgan qilmishining jinoyat huquqiy baholanishi haqidagi noto'g'ri tasavvurga ega bo'lishiga aytiladi. Odatda, yuridik xato jinoyat kvalifikatsiyasiga ta’sir qilmaydi. Sababi, qilmish jinoyat qonunchiligi bo'yicha tavsiflanadi, ijtimoiy xavfli qilmishni sodir qilgan shaxsning subyektiv fikri bo'yicha emas (masalan: shaxs birovga bergan qarzini qarzdor o'z vaqtida qaytarib bermaganligi uchun qarzdorga tegishli bo'lgan avtomashinani egasining ruxsatisiz uyiga olib kelib qo'yadi. Ushbu holatda u o'z harakatlarini qonuniy deb hisoblaydi. Lekin jinoyat qonuni ushbu holatda uning harakatlarini JK 229-moddasi «O'zboshimchalik» bo'yicha jinoyat deb topadi).
Faktik xato deb esa - jinoyat tarkibining obyektiv belgisi hisoblanadigan holatlar to'g'risidagi noto'g'ri tushunchasi. Faktik xato jinoyatning kvalifikatsiyasiga ta’sir qiladi.
Hazorasp tuman adliya bo‘limi yuridik xizmat ko‘rsatish markazi