Xususan, strategiya 5ta ustuvor yo‘nalish hamda 100ta maqsaddan iborat bo‘lib, unda mamlakatda amalga oshirilishi kerak bo‘lgan ishlar keltirilgan.
Prezident farmoni bilan “O‘zbekiston — 2030” strategiyasi tasdiqlanib, uni joriy yilda o‘z vaqtida hamda sifatli amalga oshirish bo‘yicha prezident qarori qabul qilindi.
Farmonga ko‘ra, “O‘zbekiston — 2030” strategiyasi quyidagi 5ta ustuvor yo‘nalish hamda 100ta maqsaddan iborat:
Qarorga ko‘ra, 2024-yildan davlat maktabgacha ta’lim tashkilotlari tarbiyalanuvchilariga oqsil, vitamin va minerallar bilan boyitilgan sut, yod bilan to‘yintirilgan non mahsulotlari berilishi yo‘lga qo‘yiladi.
Xorazm viloyatining Qo‘shko‘pir va Xonqa tumanlarida eksperiment tarzida, barcha boshlang‘ich sinf o‘quvchilari ta’lim planshetlari bilan ta’minlanib, keychalik bu tajriba mamlakatning barcha hududlarida bosqichma-bosqich joriy etiladi.
Banklarning nodavlat umumiy o‘rta ta’lim tashkilotlari faoliyatini yo‘lga qo‘yish uchun qiymati 20 mlrd so‘mgacha kreditlar bo‘yicha, foiz stavkasi asosiy stavkadan oshadigan, lekin uning 1,5 baravaridan ko‘p bo‘lmagan qismini qoplash uchun kompensatsiya taqdim etish amaliyoti yo‘lga qo‘yiladi.
2023/2024 o‘quv yilidan umumiy o‘rta ta’lim muassasalari 10-sinf o‘quvchilarini kasb-hunarlarga o‘rgatish kurslari joriy etiladi.
Prezident maktablari va ixtisoslashtirilgan maktablar umumiy o‘rta ta’lim muassasalari uchun “tayanch maktab” etib belgilanadi.
Bundan tashqari, kelgusi yildan tibbiyot sohasida quyidagilar amalga oshiriladi:
Joriy yilning 1-oktabridan og‘ir hayotiy vaziyatga tushgan yoki tushish xavfi yuqori bo‘lgan har bir oila bo‘yicha alohida “ijtimoiy xizmat ishi"ni yuritish tartibi joriy etiladi.
2024-yildan Toshkentning tibbiyot muassasalarida davlat tomonidan kafolatlangan bepul tibbiy xizmatlar hajmi va dori vositalari ro‘yxatini amaliyotga kiritishni nazarda tutuvchi davlat tibbiy sug‘urtasi mexanizmlari bosqichma-bosqich joriy etiladi.
Nogironligi bo‘lgan shaxslarni protez-ortopediya buyumlari, reabilitatsiya hamda dori vositalari bilan ta’minlash ishlari “vaucher” tizimi asosida tashkil etiladi;
Shu bilan birga, og‘ir ijtimoiy ahvolga tushib qolgan xotin-qizlarni qayta kasbga tayyorlash xarajatlarini davlat tomonidan qoplab berish tartibi joriy etiladi.
Qaror bilan, “O‘zbekiston — 2030” strategiyasining har bir insonga o‘z salohiyatini ro‘yobga chiqarish uchun munosib sharoitlar yaratish yo‘nalishi bo‘yicha 2023-yilga mo‘ljallangan amaliy tadbirlar rejasi tasdiqlandi.
Unda, jumladan, quyidagilar nazarda tutilgan:
Joriy yilning 1-oktabridan tadbirkorlarga miqdori 10 mln so‘mdan yuqori bo‘lgan soliqqa oid huquqbuzarliklar uchun, agar tadbirkor huquqbuzarlikni inkor etsa, moliyaviy sanksiyalarni faqatgina sud tartibida qo‘llash amaliyoti yo‘lga qo‘yiladi.
2024-yildan quyidagi tartiblar joriy etiladi:
Kelasi yildan jismoniy va yuridik shaxslarga QQSni to‘liq qaytarish tizimi quyidagilar hisobidan kengaytiriladi:
Ekologik huquqbuzarlik sodir etganlarga nisbatan zararni qoplash bilan bir qatorda, zarar yetkazilgan tabiat obyektini tiklash va uning muayyan muddat davomida muhofaza qilinishini ta’minlash majburiyati yuklatiladi.
2024-yildan️ mamlakatning uzoq muddatli suv balansi prognozini yuritish, suv resurslarini tejash dasturlarini qabul qilish amaliyoti yo‘lga qo‘yiladi;
️Qoraqalpog‘iston va Xorazmning qishloq xo‘jaligi mahsulotlari yetishtiruvchilariga suvni tejaydigan texnologiyalarni joriy qilish uchun kreditlar 10% stavkada (foiz stavkalarini subsidiyalash hisobiga) ajratiladi.
Yangibozor tumani adliya bo’limi yuridik xizmat ko’rsatish
markazi bosh yuriskonsulti D.Otabayev
