Qonunchilikka ko‘ra, yuridik va jismoniy shaxslarning asosiy fondlari hisoblangan bino va boshqa mol-mulki nobud bo‘lishi va zararlanishi (olovdan, tutundan, katta haroratdan, yong‘in o‘chirish vositalaridan, portlashdan — agar portlash natijasida yong‘in ro‘y bergan bo‘lsa) yong‘in bilan hamda atrof tabiiy muhitga zarar yetkazish bilan bog‘liq bo‘lib, talafot ko‘rgan deb topilsa, yetkazilgan mulkiy zarar bevosita ko‘rilgan talafotlar miqdori bilan aniqlanadi.
Davlat yong‘in nazorati organlari yong‘inlardan yetkazilgan zararni qonunchilikka muvofiq yuridik shaxslar va sug‘urtalovchilar tomonidan berilgan ma’lumotlar, sudlarning hukmlaridan ko‘chirmalar yoki yetkazilgan moddiy zarar miqdorini tasdiqlovchi rasmiy hujjatlar ilova qilingan mulk egalarining yozma arizalariga asosan hisobga oladilar.
Fuqarolar yong‘in tufayli o‘ziga yetkazilgan zararning o‘rni belgilangan tartibda qoplanishi huquqiga ega.
G‘ayriqonuniy harakat (harakatsizlik) tufayli fuqaroning shaxsiga yoki mol-mulkiga yetkazilgan zarar, shuningdek yuridik shaxsga yetkazilgan zarar, shu jumladan boy berilgan foyda zararni yetkazgan shaxs tomonidan to‘liq hajmda qoplanishi lozim.
Urganch tuman adliya bo‘limi
yuridik xizmat ko‘rsatish markazi bosh yuriskonsulti J. Abdukarimov
