O‘zbekiston Respublikasi Prezidenti tomonidan 27.03.2023-yildagi “Pedagog xodimlarning xizmat vazifalarini bajarishiga toʻsqinlik qilganlik uchun javobgarlik kuchaytirilishi munosabati bilan Oʻzbekiston Respublikasining Jinoyat kodeksiga hamda Oʻzbekiston Respublikasining Ma’muriy javobgarlik toʻgʻrisidagi kodeksiga qoʻshimcha va oʻzgartishlar kiritish haqida”gi OʻRQ-826-son Qonun imzolandi.
Ushbu hujjatga muvofiq:
Ta’lim tashkilotining pedagogik xodimini mehnatga ma’muriy tarzda majburlaganlik uchun BHMning 100 baravaridan 150 baravarigacha jarima qoʻllash jazosi belgilanmoqda;
xuddi shu qilmish uchun ilgari ma’muriy jazo qoʻllanilgandan keyin ta’lim tashkilotining pedagog xodimini mehnatga ma’muriy tarzda majburlash jinoiy javobgarlikni keltirib chiqaradi va quyidagi jazolardan biri qoʻllaniladi: BHMning 150 baravaridan 200 baravarigacha jarima;
3 yilgacha muayyan huquqdan mahrum etish; yoki 3 yilgacha ahloq tuzatish ishlari.
Xulosa o‘rnida shuni taqidlash kerakki, pedagog xodimlarning faoliyatiga noqonuniy aralashganlik uchun javobgarlik kuchaytirilmoqda, ya’ni jarima miqdorlari oshirilmoqda;
bir yil davomida qayta huquqbuzarlik sodir etganlik uchun 15 sutkagacha ma’muriy qamoq chorasini qoʻllash imkoniyati yaratilmoqda.
Urganch tuman adliya bo‘limi yuridik xizmat ko‘rsatish
markazi bosh yuriskonsulti B.R.Yusupov
