Qonunchilikka ko'ra, yetim bolalar va ota-ona qaramog'idan mahrum bo'lgan bolalar tomonidan ijaraga olingan uy-joylarning ijara to'lovlari to'lab beriladi.
Buning uchun “Onlayn-navbat” axborot tizimiga kiritilgan ushbu toifadagi bolalar “Inson” markaziga bevosita borgan holda yoki “Yagona milliy ijtimoiy himoya” axborot tizimidagi “Uy-joy ijarasi” moduli orqali ariza bilan murojaat qiladi.
Ijara to'lovi quyidagi hollarda to'lab beriladi:
bolaga mulk huquqi asosida uy-joy ajratilmagan bo'lsa;
ijara shartnomasi soliq organlarida hisobga qo'yilgan bo'lsa;
bola tegishli oliy ta'lim tashkilotining yotoqxonasiga joylashmagan yoki ijara xarajatlari uchun kompensasiya olmayotgan bo'lsa;
bola bilan tuzilgan mehnat shartnomasi “Yagona milliy mehnat tizimi” idoralararo dasturiy-apparat kompleksida ro'yxatdan o'tkazilgan bo'lsa.
Ijtimoiy inspeksiya Xorazm viloyati boshqarmasi bosh mutaxassisi M.M.Rustamov
