Adliya vazirligi tomonidan «Bolalarni zо‘ravonliklarning barcha shakllaridan himoya qilish tо‘g‘risida»gi qonun loyihasi ishlab chiqildi.
Hujjat loyihasida bolalarga jinsiy zо‘ravonlik sodir etgan shaxslar (pedofil)ning huquqlarini cheklashga doir qator normalarga о‘rin ajratilgan.
Unga kо‘ra, kelgusida qо‘llanilgan jazo chorasidan, sudlanganlik holati tugatilganligidan yoki olib tashlanganligidan hamda о‘ziga nisbatan amnistiya yoki afv etish akti qо‘llanilganligidan qat’i nazar jinsiy zо‘ravonlik bilan bog‘liq jinoyat sodir etgan shaxslarning ta’lim, tarbiya, bolalar sog‘lomlashtirish, sport va ijodiy tashkilotlarida ishlashi hamda bolalar bilan bevosita ishlashni nazarda tutuvchi boshqa faoliyat turlari bilan shug‘ullanishi taqiqlanadi.
Shuningdek, yuqoridagi holatlarni kedtirib chiqargan shaxslarning alohida reyestri yuritiladi, ular reyestrda bо‘lgan davrda ichki ishlar organlari tomonidan profilaktik hisobga olinadi.
Reyestrga kiritilgan shaxslar yashash joyi va ish joyini о‘zgartirganda bu haqda tegishli ichki ishlar organlariga xabar berishlari shart.
Reyestrni shakllantirish va yuritish, shuningdek undan axborot olish tartibi О‘zbekiston Respublikasi Vazirlar Mahkamasi tomonidan belgilanadi.
Xonqa tumani adliya bo‘limi Yuridik xizmat ko‘rsatish markazi
boshlig‘i A.Boltyaev
