Боғотлик тадбиркорларга ҳуқуқий маслаҳат берилди
Мамлакатимизда тадбиркорлик фаолиятини янада ривожлантириш учун муҳим ҳисобланган қонун ва қонуности ҳужжатлар қабул қилинган бўлиб, шу асосида ишбилармонларнинг ҳам ҳуқуқлари ҳимоя қилинади, ҳам уларга бир қатор имтиёзлар берилади.
Тадбиркорларнинг ҳаммаси ҳам ўз мажбурият ва имтиёзларини, ҳуқуқлари бузилса қандай тартибда ҳимоя қилишни билмаслиги мумкин. Шу сабабли Боғот туманидаги кичик бизнес вакиллари ва тадбиркорлик субъектлари раҳбарлари билан Хоразм вилоят суди раисининг иқтисодий ишлар бўйича ўринбосари Илёс Тешаев, Боғот туманлараро иқтисодий суди раиси Баҳодир Давлатов ва судья Дилшод Шарипов иштирокида учрашув ўтказилди.
Унда Ўзбекистон Республикаси Президентининг “Тадбиркорликни қўллаб-қувватлаш тизимини такомиллаштириш, ишбилармонлик муҳитини янада яхшилаш бўйича қўшимча чора-тадбирлар тўғрисида”ги Қарори мазмуни ва моҳияти тушунтирилди.
Шунингдек, туманда тадбиркорлар учраётган ер майдони ажратиш, кредитни олиш ва вақтида қайтариш, шартнома шартларига риоя этмаслик каби низоли масалаларга ойдинлик киритилди.
Учрашув очиқ мулоқот тарзида давом этиб, тадбиркорларга зарур бўлган ҳуқуқий маслаҳатлар берилди.
