САВОЛ. Мен давлат корхонасига таътилдаги кишининг жойига чиқиб етти ой ишладим, таътилдаги ходим ишга чиқди. Мен яна ишсиз қолдим, шу ишлаган корхонам иш топиб ишга жойлашганимга қадар конпенсация тулайдими?
ЖАВОБ. Сиз бошқа бир ходимнинг таътилда бўлган вақтига ишга олиндим деяпсиз, демак, бола парваришлаш таътилида бўлган ходимнинг ўрнига муддатли асосда ишга олингансиз, тўғрими?
аътилда бўлган ходим ўз ишига қайтадиган бўлса, унинг ўрнида муддатли асосда ишлаб келган ходим (яъни сиз) билан тузилган меҳнат шартномаси МК 158-моддасига асосан бекор қилинади.
Меҳнат кодексининг 100-моддасида ишдан бўшатилганидан кейинги иш қидириш даврида ўртача ойлик иш ҳақи тўланадиган, 173-моддасида эса ишдан бўшатиш даврида ишдан бўшатиш нафақаси тўланадиган ҳолатлар бирма-бир кўрсатиб ўтилган.
Бу икки моддадаги рўйҳатда меҳнат шартномасини унинг муддати тугаганлиги муносабати билан, МК 158-моддага асосан бекор қилиш ҳолати кўрсатилмаган.
Шу сабабли, муддатли меҳнат шартномангизни таътилдаги ходим қайтиши муносабати билан МК 158-моддага асосан бекор қилишда сизга иш қидириш даври учун ўртача иш ҳақи ҳам, ишдан бўшатиш нафақаси ҳам тўланмайди.
Бироқ, барча ҳолатлар каби ишдан бўшашингиз муносабати билан сизга “расчетный”, яъни 7 ойлик даврга тўғри келадиган, бироқ фойдаланилмаган меҳнат таътилингиз учун компенсация ҳамда қилган меҳнатингиз учун охиригача олинмаган иш ҳақи тўловлари тўлаб берилади (МК 172-модда). XIVA TUMAN YURIDIK XIZMAT KO`RSATISH MARKAZI BOSH YURISKONSULTI M.BOYJONOV
