“Мактабгача таълим ташкилотлари ва мактаб-интернатлардаги болалар таъминотига ҳақ тўлаш тартиби тўғрисидаги низом”нинг 13 бандида “Боланинг ёки оила аъзоларининг касаллиги, карантин ҳолатида бўлганлиги туфайли, шунингдек ота-оналардан бирининг ишдан (ўқишдан) бўш вақти даврида ёки бошқа сабабларга кўра бола мактабгача таълим ташкилотига кетма-кет уч кундан ортиқ келмаган даври учун тўланган тўловлар кейинги тўловларни амалга оширишда ҳисобга олинади” деб белгиланган. Боланинг ёки унинг оила аъзоларининг касаллиги, карантин ҳолатида бўлганлиги туфайли боланинг мактабгача таълим ташкилотига келмаганлиги шифокори томонидан бериладиган маълумотнома билан тасдиқланиши шарт, шунингдек, Ота-оналардан бирининг ишдан (ўқишдан) бўш вақти даврида ёки бошқа сабабларга кўра бола мактабгача таълим ташкилотига келмаслигига ота-оналардан бирининг сабаби кўрсатилган ҳолда мактабгача таълим ташкилоти раҳбарияти номига олдиндан ёзган аризаси асос бўлиб ҳисобланади.
Боланинг бир йил мобайнида кўпи билан 60 кун матабгача таълим ташкилотига келмаслигига рухсат берилади.
Демак, мактабгача таълим муассасаси олдиндан ёзма равишда огоҳлантирилган бўлса, боланинг боғчага бормаган кунлари учун пул тўланмайди.
Гурлан тумани юридик хизмат кўрсатиш
маркази бош юрисконсульти Шохрух Пўлатов
