Кўчмас мулкка бўлган ҳуқуқларни давлат рўйхатидан ўтказиш белгиланган тартибда ва муддатда амалга оширилиши шарт. Агар мулкдор ер участкаси, бино ёки иншоотга бўлган ҳуқуқини ўз вақтида рўйхатдан ўтказиш учун масъул органга мурожаат қилмаса, бу ҳолат маъмурий ҳуқуқбузарлик ҳисобланади.
Маъмурий жавобгарлик тўғрисидаги кодекс қоидаларига кўра, бундай қонунбузарлик содир этилган тақдирда фуқароларга базавий ҳисоблаш миқдорининг ўн баравари, мансабдор шахсларга эса ўн беш баравари миқдорида жарима белгиланади. Агар мулк ҳуқуқи турар жойга тааллуқли бўлса ва фуқаро ўз вақтида мурожаат этмаса, жарима миқдори беш баравар БҲМ этиб белгиланади.
Сўнгги йилларда бу модда асосида кўплаб шахслар жавобгарликка тортилган. Масалан, 2021–2024 йиллар оралиғида 553 нафар шахс ушбу ҳуқуқбузарлик учун жаримага тортилади. Жорий йилнинг биринчи ярмида эса яна 45 нафар фуқаро шу модда асосида жавобгарликка тортилган.
(https://t.me/AzizAbidov/6589)Хулоса қилиб айтганда, кўчмас мулк ҳуқуқини ўз вақтида рўйхатдан ўтказиш нафақат ҳуқуқий кафолат, балки жаримадан қутулишнинг ҳам асосий шартидир. Мулкка эгалик ҳуқуқи тўлиқ кучга кириши ва баҳсли ҳолатларнинг олдини олиш учун барча мулкдорлар ўз мажбуриятларини вақтида бажаришлари зарур. XIVA TUMAN YURIDIK XIZMAT KO`RSATISH MARKAZI BOSH YURISKONSULTI A.ABDUSHERIPOV
