Iqtisodiyot va moliya vazirligi 2024–2026 yillar uchun soliq-bojхona siyosatining asosiy yoʻnalishlari bilan Byudjetnomani, shuningdek 2024 yil uchun Davlat byudjeti toʻgʻrisida qonun loyihasini taqdim etdi. Buxgalter.uz 2024 yilda tadbirkorlik sub’yektlariga soliq solishga nisbatan taklif qilinayotgan oʻzgartirishlar sharhini tayyorladi.
Asosiy soliqlar
Iqtisodiyot va moliya vazirligi quyidagi soliqlar stavkalarini 2024 yil uchun saqlab qolishni taklif qilmoqda:
foyda soligʻi (15 %, ayrim toifalar uchun – 20 %);
QQS – 12 %;
JShDS – 12 %;
ijtimoiy soliq: byudjet tashkilotlari – 25 %, qolganlar – 12 %;
aylanmadan olinadigan soliq – 4 %.
2024 yil 1 fevraldan boshlab qat’iy belgilangan miqdordagi JShDS stavkalarini oshirish taklif qilinmoqda. Ular 10%ga oʻsishi koʻzda tutilmoqda.
2024 yil 1 yanvardan boshlab qat’iy belgilangan summadagi aylanmadan olinadigan soliqning stavkalarini oʻzgartirish taklif qilinmoqda. Aylanmasi 500 mln soʻmgacha boʻlgan soliq toʻlovchilar uchun soliq miqdorini yiliga hozirgi 20 mln soʻmdan 25 mln soʻmgacha oshirish taklif qilinmoqda. Aylanmasi 500 mln soʻmdan 1 mlrd soʻmgacha boʻlgan soliq toʻlovchilar uchun esa – hozirgi 30 mln soʻmdan 34 mln soʻmgacha oshirish taklif qilinmoqda.
Xonqa tumani adliya bo‘limi
Yuridik xizmat ko‘rsatish markazi
boshlig‘i A.Boltyaev
