Жорий йилнинг 19 сентябрь куни, “Интербилим” маркази томонидан (календар иш режага мувофиқ) “Янги сайлов тизимининг ташкилий-ҳуқуқий асослари” мавзусида давра суҳбати ташкил этилди.
Тадбирнинг мақсади – сайлов қонунчилиги ва нормалари, янги сайлов тизимидаги янгиликлар, фуқароларнинг сиёсий билими ва фаоллигини ошириш ҳамда сайловларнинг бу жараёнларга кўпроқ жалб қилишга қаратилган.
Тадбирда Урганч шаҳри ва туманидаги ишсиз хотин-қизлар, ННТ вакиллари жами – 20 нафар киши иштирок қилди.
Тадбирда “Интербилим” маркази раҳбари Р.Машарипова “Демократик сайловларда фуқароларнинг фаол иштироки ва нодавлат нотижорат ташкилотлари ўрни” мавзусида, ЎзННТМА Хоразм вилояти ҳудудий бўлинмаси мутахассиси О.Машарипов “Ўзбекистонда янги сайлов тизими: мазмуни, тартиби ва истиқболлари” мавзуларида маърузалар қилди.
Тадбирда сайлов қонунчилиги, янги сайлов тизимининг мазмуни, аҳамияти, асосий ўзгаришлар, сайловларда фуқаролар ва ННТларнинг иштироки, бўлажак сайловларда яратилаётган имкониятлар, одамларнинг фуқаролик масъулияти ҳамда сиёсий-ижтимоий фаоллик даражаси ошаётганлиги ҳақида таъкидлаб ўтдилар.
Шунингдек, тадбирда иштирокчилар сайлов қонунчилиги ва тизим бўйича ўзларини қизиқтирган саволлар беришди, берилган саволларга атрофлича жавоб берилди.
