Давлатимиз раҳбарининг 2020 йил 29 декабрдаги Ўзбекистон Республикаси Олий мажлисига қилган мурожаатномаларида инвесторлар ҳуқуқларини муносиб ҳимоя қилиш мақсадида Олий судда инвестициявий низолар ва рақобатга оид ишларни кўриш бўйича махсус судлов таркиби ташкил этилганлиги, энди инвесторлар, ўз хоҳишига кўра, низони ҳал қилиш учун тўғридан-тўғри Олий судга мурожаат қилиш мумкинлиги белгиланди.
Суд тизимида рақамлаштириш янада кенгайтирилиб, фуқароларимизга суд биносига келиб юрмасдан, “онлайн” тартибда мурожаат қилиш имконияти яратилиши, шунингдек, фуқаролар ўз аризаларини кўриб чиқиш жараёнини масофадан туриб кузатиб бориши такидлаб ўтилди.
Суд ҳокимиятини чинакам мустақиллигини, фуқаролар ҳуқуқ ва эркинликларининг ишончли ҳимоясини таъминлаш ҳамда одил судловга эришиш даражасини ошириш суд-ҳуқуқ тизимини ислоҳ қилиш соҳасида давлат сиёсатининг асосий устувор йўналишлари ҳисобланади.
Соҳадаги барча ислоҳотлар бир нарсага - судларда очиқлик, адолат устуворлигини таъминлашга қаратилган.
Ўзбекистон Республикаси Прездентининг “Давлат органлари билан муносабатларда Фуқаролар ва тадбиркорлик субъектлари ҳуқуқларининг самарали ҳимоя этилишини таъминлаш ҳамда аҳолининг судларга бўлган ишончини янада ошириш чора-тадбирлари тўғрисида “ги 29.01.2022 йилдаги ПҚ-107 сонли қарори қабул қилинганлиги ҳам маъмурий судларда Давлат органлари билан муносабатларда фуқаролар ва тадбиркорлик субъектлари ҳуқуқлари ва қонуний манфаатларининг самарали ҳимоя этилишини таъминлашда муҳим ҳужжат булди.
Унга кўра, Давлат органлари билан муносабатларда фуқаролар ва тадбиркорлик субъектлари ҳуқуқлари ва қонуний манфаатларининг самарали ҳимоя этилишини таъминлаш ҳамда маъмурий суд ишларини юритишни халқаро стандартлардан келиб чиққан ҳолда такомиллаштириш мақсадида, Маъмурий судларнинг биринчи навбатдаги вазифаси фуқаролар ва тадбиркорлик субъектларининг давлат органлари билан муносабатларида қонун устуворлигини таъминлаш билан бир қаторда улар ҳуқуқлари ва қонуний манфаатларини самарали ҳимоя қилиш ҳисобланиши маълумот учун қабул қилиниб, Олий суд Судьялар олий кенгаши ҳамда манфаатдор вазирлик ва идоралар билан биргаликда давлат органлари қарорлари устидан берилган шикоятларни кўриб чиқишда маъмурий судларнинг ролини кучайтириш, уларни фуқаролар ва тадбиркорлик субъектларининг ҳақиқий ҳимоячисига айлантиришга қаратилган тартибларни процессуал қонун ҳужжатларида белгиланишини таъминлаш кўрсатилибўтилди.
Хулоса қилиб айтганда,Давлат органлари билан муносабатларда,фуқаролар ва тадбиркорларнинг бузилган ҳуқуқларини тиклаш масаласи маъмурий судларнинг биринчи навбатдаги вазифаси ҳисобланди.
Ғуломжон Кушиев, Урганч туманлараро маъмурий судининг раиси
