Аssalamu aleykum. Yaxshimisiz? Ta'til pulini hisoblashda bug'galterimiz ustama pullari hisoblanmaydi deyapti. Dars soatlari hisobidan boladi dedi,va iyun oyida 50 % lik Milliy sertifikat va 843 qaror boyicha ustama iyun va avgust oylarida hisoblanmaydi deyapti. Qanchalik to'g'ri?
ЮРИСТ ЖАВОБИ:
✅Устамалар албатта қўшилади.
Меҳнат кодексининг 233-моддасида ҳар йилги меҳнат таътилида бўлган вақти учун ходимга ушбу Кодекснинг 257-моддасига мувофиқ ҳисоблаб чиқариладиган ўртача иш ҳақининг сақланиши кафолатланиши белгиланган.
Бунда ўртача иш ҳақи у ҳисобланадиган ойдан олдинги ўн икки ойни ташкил этувчи ҳисоб-китоб даври ёхуд агар ходим ўн икки ойдан кам ишлаган бўлса, амалда ишланган давр учун ходимга ҳисобланган иш ҳақидан келиб чиққан ҳолда белгиланади (МК 257-м 1-қисм).
Шу қоидага кўра ходимнинг ўртача ойлик иш ҳақини ҳисоблашда у 12 ойдан ортиқ ишлаган бўлса, унинг таътилга чиқишдан олдинги 12 ойлик даврда корхонадан олган барча тўловлари (иш ҳақи, моддий ёрдам, мукофот пули ва бошқалар) қўшилган ҳолда 12га бўлинади.
Айнан шу қоидага асосан, ходимнинг иш жойидан олган барча тўловлари, иш ҳақи, устамалар, моддий ёрдам, мукофот пули, моддий рағабатлантириш суммалари ўртача иш ҳақини ҳисоблашда инобатга олинади.
Энди қаранг! Бунда Меҳнат кодексининг 218-моддаси ҳамда Вазирлар Маҳкамасининг 2023 йил 26 июндаги 263-сон қарорига биноан ўқитувчиларга 56 календар кунидан иборат таътил берилади ва таътилнинг 48 кунига таътил пули тўланади.
Мана шу қоидага кўра сизлардаги вазиятда ходим 12 ойдан кўп ишлаган бўлса, унинг таътил пулини ҳисоблашда ходим таътилга чиқишидан олдинги 12 ойлик даврда олган барча тўловлари қўшилган ҳолда 12га бўлинади.
Бу вазиятда туман адлия бўлимига бухгалтернинг ҳаракатлари устидан шикоят қилиш лозим.
Хива туман ЮХКМ бош юрисконсулти М.Бойжонов
