Oʻzbekiston Respublikasi Vazirlar Mahkamasining 2009-yil 24-iyundagi 177-son qaroriga asosan ish beruvchining fuqarolik javobgarligini majburiy sugʻurta qilish tartibi belgilangan.
Qoidalarga koʻra, quyida hollarda yetkazilgan zarar miqdorini belgilash va majburiy sugʻurta qilish shartnomasi boʻyicha sugʻurta tovonini toʻlash tartibi koʻrsatilgan:
Agar yetkazilgan zararning oʻrnini qoplash bir yilgacha muddat uchun toʻlovni nazarda tutsa, sugʻurta tovonini jabrlanuvchiga yoki naf oluvchiga toʻlaydi.
Agar yetkazilgan zararning oʻrnini qoplash bir yildan ortiq muddat uchun toʻlovni nazarda tutsa, sugʻurta tovoni ish beruvchiga toʻlanadi. Bunda ish beruvchi annuitetlar shartnomasi boʻyicha sugʻurtalovchi bilan annuitetlar shartnomasini tuzishi va olingan sugʻurta tovonidan faqat annuitetlar shartnomasi boʻyicha sugʻurta mukofotini toʻlash uchun foydalanishi shart.
Shunday qilib, xodim mehnat vazifasini bajarayotganda tan jarohat olsa, sugʻurta puli qonunchilikda belgilangan tartibda va miqdorda toʻlab beriladi. Bunda zararning oʻrnini qoplash muddatiga qarab, sugʻurta tovoni bevosita jabrlanuvchiga yoki annuitetlar shartnomasi orqali uzoq muddatli toʻlovlar shaklida amalga oshiriladi.
Gurlan tuman YXKM boshlig‘i E.Raxmatillayev
