Вазирлар Маҳкамасининг 28.02.2025 йилдаги № 132-сон қарори қабул қилинди.
Қарорга кўра, Президент ҳузуридаги Аҳолини ижтимоий ҳимоя қилиш миллий агентлигига 2025 йил 1 апрелдан Тошкент, Андижон ва Самарқандда, 2025 йил охиригача эса республиканинг бошқа ҳудудларида босқичма-босқич транспорт хизмати кўрсатиш бўйича лойиҳани пилот сифатида жорий этиш топширилди.
Лойиҳа доирасида ихтисослаштирилган мактаблар, мактаб-интернатларда таҳсил олаётган кўриш органлари ва таянч-ҳаракат аппарати касалликлари бўлган болаларга транспорт хизматлари кўрсатилади.
Транспорт хизматлари қуйидаги касалликлари бўлган ўқувчиларга тақдим этилади:
болалар церебрал фалажи (БЦФ) (ГМФCС таснифига кўра 3-4-5 даражали);
оғир ақлий заифлик (Ф72);
чуқур ақлий заифлик (Ф73);
болалар аутизми (хулқ-атвор бузилишлари ва назоратсиз ҳаракатлар синдроми);
Дюшенн миопатияси;
орқа мия мушак атрофияси;
орқа мия чурраси, қуйи параплегия;
кўрлик (амебиаз) (Ҳ54.1);
туғма нуқсонлар: анофтальм;
кўрув нерви атрофияси (Ҳ47.2);
кўрув нерви диски ва макуланинг яққол гипоплазияси;
чала туғилганлар ретинопатияси;
тўр парда кўчиши.
Янгиариқ туман юридик хизмат кўрсатиш маркази бошлиғи: У.Наврузов
