Мактаб хотин-қизлар қўмитаси раисига устама белгилаш мумкинми?
Ҳақиқатдан ҳам Халқ таълими вазирининг 2022 йил 31 майдаги 174-сонли буйруғи билан умумтаълим муассасаларида Оила ва хотин-қизлар давлат қўмитасининг бошланғич ташкилотлари фаолиятини йўлга қўйиш назарда тутилган.
Мазкур буйруқнинг 2-банд, 3-хатбошида бошланғич ташкилот раисини ўрнатилган тартиб билан иш ҳақига қўшимча устама белгилаш орқали моддий рағбатлантириб бориш белгиланган.
Аммо бошланғич ташкилот раисини айнан қайси манбалар ҳисобидан рағбатлантириш борасида тўлиқ тушунтириш берилмаган.
Ҳозирги кунда умумтаълим муассасаси ходимларига қўшимча устамалар тайинлаш Вазирлар Маҳкамасининг 2019 йил 30 сентябрдаги 823-сонли қарори билан тасдиқланган низом билан тартибга солинади.
Ушбу низомда белгиланган баҳолаш мезонларида эса умумтаълим муассасаси хотин-қизлар бошланғич ташкилот раислари учун алоҳида имтиёз ёки устамалар белгилаш назарда тутилмаган.
Шу сабабли хотин-қизлар бошланғич ташкилот раисини мактабнинг бюджетдан ташқари жамғариладиган маблағлари ҳисобидан рағбатлантириш лозим деб ҳисоблаймиз. Жамғарма маблағларидан фойдаланиш Вазирлар Маҳкамасининг 2021 йил 27 апрелдаги 243-сон қарори билан тасдиқланган низом билан тартибга солинади. Бу мавзуга бошқа постларимизда батафсил тўхталиб ўтамиз.
Xiva tuman yuridik xizmat ko'rsatish markazi bosh yuriskonsulti
M.Boyjanov
