ОҒЗИБИРЧИЛИКДА ҲИКМАТ КЎП
Хоразм вилояти ҳокимлиги ахборот хизмати, АОКА Хоразм вилоят бошқармаси томонидан вилоят ҳокими Эрманов Фарход Ўрозбоевич - Хоразм вилояти ҳокимининг матбуот анжумани юқори савияда, танқидий ва таҳлилий руҳда бўлиб ўтди.
Тадбирда вилоят ҳокимининг ўринбосарлари, туман ва шаҳар ҳокимлари, матбуот хизмати мутахассислари, журналист ва блогерлар иштироки мени шахсан қувонтирди. Сабаби барча соҳада амалга оширилаётган вазифалар, ечимини кутаётган муаммолар, самарали натижалар тарғиботида нафақат журналист ва блогер, балки раҳбар кадрлар, матбуот котибларидан ҳам катта масъулият талаб этилади.
Анжуманда вилоят ҳокими бошчилигида, ҳоким ўринбосарлари, барча ҳудуд ҳокимларига журналистлар, блогерлар, матбуот котиблари бор муаммони очиқ айтиб, ижодий фаолиятни янада жонлантириш юзасидан таклифлари билан иштирок этиш имконияти ижодий жамоага мотивация берди...
Аслида, ҳар қандай ривожланган жамиятда имконият ва шароит уйғун бўлса, кутилган натижага, кўзланган мақсадга эришиш ўз самарасини беради. Мазкур тадбир ҳам ана шу мақсад сари ташланган дадил қадам бўлди деган фикрдаман.
Оғзибирчиликда ҳикмат кўп. Бундай тадбирлар давомийлиги анъанага айланса, Хоразм вилоятининг ҳар бир соҳасидаги натижалар янада жонланади, Хоразм Ёшуллиларининг имиджи шаклланади. Матбуот котиблари, журналист ва блогерлар оғзибирчиликда меҳнат қилишда ижодий ҳамкорликнинг қадри мустаҳкам бўлади. Аслида биз ҳавас қилган ривожланган давлатлар ҳам ўз имиджига кўпроқ шу формат орқали эришишган.
Агар ҳар ким ўз касбини севса, унга садоқат, виждон ва масъулият билан ёндашса ҳар қандай қийинчиликни енгиб ўта олади.
Мен халқаро журналистикада 9 йил (бакалавр, магистр, аспирант) ўқиганим, матбуот хизмати йўналишида 12 йиллик меҳнат фаолиятим шунчаки бекор ўтмаётганлигидан фахрланаман...
Иш бор жойда камчилик бўлиши ҳаёт қонунияти. Ана шу камчиликка бир хил мақсад билан қарашда, муаммога холис ечим топишда мана шу форматдаги учрашувлар асос бўлади...
Раҳбар кадрлар, матбуот котиблари, журналист ва блогерлар - биз бир жамоамиз. Бу анжуман хайрли ва савоби катта ишларга туртки бўлишига ишонаман.
Кутилаётган натижа ва янгиликлар ҳали олдинда...
Дилрабо КУРЯЗОВА
