Buzilgan huquqingizni tiklash va qonuniy manfaatlaringizni himoya qilish uchun sudga murojaat qilmoqchi bo‘lsangiz, ishning sudga tegishliligi va uning turkumiga qarab da’vo arizasi, ariza, shikoyat, iltimosnoma kabi hujjatlar orqali murojaat qilishingiz mumkin.
Ishning sudga tegishliligi deganda, muayyan ishni ko‘rib chiqish vakolati qaysi sudga taalluqli bo‘lishi tushuniladi. Masalan, hokimning qarori ustidan arz qilmoqchi bo‘lsangiz, ma’muriy sudga murojaat qilishingiz kerak. Aliment undirish bo‘yicha ishlarni fuqarolik sudlari ko‘rib chiqadi.
Murojaat va unga ilova qilinadigan hujjatlar sudga elektron shaklda https://exsud.sud.uz sayti orqali yuborilishi yoki bevosita sudning o‘ziga olib borib berilishi mumkin.
Gurlan tumani yuridik xizmat ko’rsatish markazi bosh yuriskonsulti M.Qo’zibayev
